İDDİA- Rusiya onu Ukrayna prezidenti elan etmək istəyir, o, artıq Minskdədir

Dövlətə xəyanətdə təqsirli bilinən keçmiş prezident Viktor Yanukoviç indi Minskdədir və Rusiyanın onu Ukrayna prezidenti elan etməsini istəyir.

InterPress.ge xəbər verir ki, bu barədə “Ukrainskaya pravda” Ukrayna kəşfiyyat mənbələrinə əsaslanaraq yazır.

“Alınan məlumat onu göstərir ki, Kreml istənilən növ kəşfiyyat əməliyyatına və ya aksiyaya, o cümlədən keçmiş prezident Yanukoviçin Ukraynaya qayıtmasına və ya yaxın gələcəkdə onun adından Ukrayna xalqına müraciətin dərcinə hazırlaşa bilər”,- deyə nəşr yazır.

Ukraynada Yanukoviçə qarşı çoxsaylı işlər açılıb. O, artıq dövlətə xəyanətdə təqsirli bilinib və qiyabi olaraq 13 il müddətinə azadlıqdan məhrum edilib.