Tbilisidə məhdudiyyətlər və "komendant saatı" ilə bağlı aksiya keçirildi

"Ölkə açılmalıdır" - Tbilisidə bu çağırışla yürüş keçirilib.

InterPress.ge xəbər verir ki, "Xalq üçün" hərəkatı əhalini ölkəyə qoyulan məhdudiyyətlərə etiraz etməyə çağırıb.

Etirazçıların dediklərinə görə, 1 fevral tarixinə qədər qaydalar götürülməsə, əhali itaətsizlik elan etməlidir.

"Ölkə açılmalıdır, bunun alternativi yoxdur. 1 fevralda ictimai nəqliyyat açılmalı və bu əsassız olaraq qurulmuş komendant saatı qaldırılmalıdır. Hökumətdən bu vəziyyətdən necə çıxacağımıza dair bir plana ehtiyacımız var", - Ana Dolidze dedi.