Təhsil nazirinin müavinindən məktəblərlə bağlı ŞAD XƏBƏR - Bu yerlərdə təhsil siniflərdə davam edəcək

"Sabahdan etibarən Gürcüstanın 10 şəhərində təlim prosesi uzaq rejimdə davam edəcəkdir".

InterPress.ge xəbər verir ki, bu barədə Gürcüstanın Təhsil, Elm, Mədəniyyət və İdman nazirinin müavini Ekaterine Dqebuadze bildirib.

"Digər bələdiyyələrə və kənd dövlət məktəblərinə gəldikdə, təhsil prosesi sinifdə bərpa olunur, lakin sübut təqdim edərək, təhsil resurs mərkəzi və ya məktəb Təhsil Nazirliyinə məsafədən təhsil üçün müraciət edərsə, bu zaman Təhsil Nazirliyi məktəbi uzaqdan təhsil rejiminə keçirəcək. Əks təqdirdə tədris prosesi siniflərdə bərpa ediləcək”,- dedi Dqebuadze.

Onun sözlərinə görə, tədris prosesinin siniflərdə bərpa ediləcəyi məktəblər hazırlanıb və Səhiyyə Nazirliyinin bütün tövsiyələri onlar tərəfindən həyata keçirilib.

“Hazırlığa gəlincə hazırlıq var, məktəblər hazırdır, Səhiyyə Nazirliyinin məktəblərə yazdığı bütün tövsiyələr yerinə yetirilmişdir. Əlbətdə ki, yazdan başlayaraq ehtiyac duyduğumuza əsasən dəyişirik, ya təhsilin distant rejiminə keçirik, ya siniflərə qayıdırıq, epidemioloqların tövsiyəsi olacaqsa", - deyə Dqebuadze qeyd edib.

Ekaterine Dqebuadzenin sözlərinə görə, "Teleməktəb" formatında onlayn dərslər sabahdan etibarən bərpa ediləcək.

"Təhsil Nazirliyi və Gürcüstanın Birinci Kanalının ortaq layihəsi yenə də bu prosesin yardımcı komponentlərindən biri olacaq" - deyə Ekaterine Dqebuadze əlavə edib.

2020-21 tədris ilinin ikinci semestri 18 yanvar tarixində Tbilisi, Kutaisi, Rustavi, Telavi, Zuqdidi, Zestaponi, Qori, Poti, Marneuli və Qardabani şəhərlərində distant təhsil rejiminin tam elektron modelindən istifadə edərək başlayacaq. Acarıstan Muxtar Respublikası ərazisində fəaliyyət göstərən ümumi təhsil müəssisələri də tədris prosesinə onlayn rejimdə davam edəcək.

Qalan məktəblərdə təhsil sinif otaqlarında bərpa ediləcək. Nazirlikdən verilən məlumata görə, ikinci semestrə siniflərdə davam edəcək məktəblər koronavirusun qarşısını almaq üçün maskalar, uzaqdan, təmassız termometrlər, dezobariyerlər və dezinfeksiyaedici maddələrlə tam təmin edilmişdir.