Bazarlarla bağlı qərar verildi - 24 dekabrdan...

"Bazarlar dekabrın 24-dən açılmayacaq".

InterPress.ge xəbər verir ki, bu barədə Baş nazir müavini Maia Çkitişvili hökumət administrasiyasında keçirdiyi brifinqdə bildirib.

Onun sözlərinə görə, aqrar bazarlar qaydalara uyğun olaraq işlərini davam etdirəcəklər.

Eyni zamanda, Çkitişvilinin Koordinasiya Şurasının iclasından sonra bildirdiyinə görə, 24 dekabr - 2 yanvar tarixlərində məhdudiyyətlər azalmayacaq və Tbilisi, Rustavi, Kutaisi, Batumi, Qori, Zuqdidi, Poti və Telavi şəhərlərində bələdiyyə nəqliyyatına qoyulan məhdudiyyət qüvvədə qalacaq. Ölkə daxilində şəhərlərarası nəqliyyatda da məhdudiyyətlər qüvvədə qalır. Şəxsi nəqliyyat vasitələri ilə səyahət etməyə hələ də icazə veriləcəkdir.