Məktəblilərə qarşı qrup şəklində zorakılıq planlaşdırmaqda şübhəli bilinən iki yeniyetmə saxlanılıb

Gürcüstanda qrup şəklində zorakılığın təşkilində şübhəli bilinən iki yetkinlik yaşına çatmayan şəxs saxlanılıb. Onların Tbilisidəki məktəblərdən birində yaşıdlarına qarşı zorakılıq törətməyi planlaşdırdıqları ehtimal olunur.

InterPress.ge xəbər verir ki, şübhəlilər bu məqsədlə müxtəlif sosial şəbəkələr vasitəsilə əlaqə saxlayıblar.

Məlumata görə, hüquq-mühafizə orqanlarının əməkdaşları axtarış zamanı start tapançası, güllələr, bibər qazı spreyi, əlcəklər, dəbilqə və bıçaq götürüblər.

Daxili İşlər Nazirliyindən “İnterpressnews”a bildirilib ki, faktla bağlı Gürcüstan Cinayət Məcəlləsinin 18-225-ci maddəsi ilə istintaq aparılır.