Azərbaycan quru sərhədlərinin açılmasını yenidən təxirə salıb

Azərbaycan quru sərhədlərinin açılmasını növbəti dəfə təxirə salıb. Ölkədə 2020-ci ildə koronavirus pandemiyası zamanı tətbiq edilən xüsusi karantin rejimi yenidən uzadılıb.

InterPress.ge xəbər verir ki, bu barədə Azərbaycan mediası məlumat yayıb. Xüsusi karantin rejiminin uzadılması ilə bağlı qərarı Baş nazir Əli Əsədov imzalayıb.

Yeni qərara əsasən, quru sərhədlərinin bağlı qalmasını nəzərdə tutan xüsusi karantin rejimi 2027-ci il saat 06:00-dək uzadılıb. Əvvəlki qərara əsasən, karantin rejimi oktyabrın 1-dək qüvvədə idi.

Qeyd edək ki, karantin rejimi çərçivəsində quru sərhədindən keçidlə bağlı tətbiq olunan məhdudiyyət bu il təyin edilmiş Bakı–Tbilisi–Bakı sərnişin qatarına şamil edilmir.