Qriqol Qeqelia: Hakimiyyətin addımları siyasi ziddiyyət və qeyri-ardıcıllığın bariz nümunəsidir

"Güclü Gürcüstan – Lelo" koalisiyasının liderlərindən biri Qriqol Qeqelia Gürcüstan hakimiyyətinin xarici siyasəti ilə bağlı tənqidi açıqlama verib.

InterPress.ge xəbər verir ki, Qeqelianın sözlərinə görə, hakimiyyət nümayəndələrinin son bəyanatları və addımları bir-biri ilə ziddiyyət təşkil edir.

"Bir tərəfdən Gürcüstanın qondarma prezidenti Tehrana başsağlığı verməyə gedir, digər tərəfdən isə qondarma baş nazir ABŞ ilə münasibətlərin yenidən başlanmasından danışır. Bu, siyasi korluğun və siyasi şizofreniyanın açıq təzahürüdür", – deyə Qeqelia bildirib.

Onun sözlərinə görə, hakimiyyət bir tərəfdən ABŞ ilə münasibətləri normallaşdırmağa çalışır, digər tərəfdən isə normal hakimiyyətin atmayacağı addımlar atır.

"Rejim çabalayır və ABŞ ilə münasibətləri qaydaya salmağa çalışır, amma digər əli ilə normal hakimiyyətin etməməli olduğu bütün addımları atır. Bu, siyasi şizofreniyanın, qeyri-ardıcıllığın və böyük qeyri-müəyyənliyin təzahürüdür. Bütün bunlar başdan-ayağa avtoritar və Rusiyayönlü rejim üçün xarakterikdir", – deyə Qriqol Qeqelia vurğulayıb.