Türkiyədə güclü zəlzələ baş verib

Türkiyənin qərbində yerləşən Balıkesir vilayətində 6,1 maqnitudalı zəlzələ nəticəsində dörd bina uçub.

InterPress.ge xəbər verir ki, məlumatı Türkiyənin daxili işlər naziri Əli Yerlikaya açıqlayıb.

Ölkənin səhiyyə naziri Kemal Memişoğlu sosial şəbəkə X-də, zəlzələ zamanı 16 nəfərin xəsarət aldığını qeyd edib.

Xatırladaq ki, Türkiyənin Fövqəladə Halların İdarə Edilməsi Agentliyinin (AFAD) verdiyi məlumata əsasən, zəlzələ bazar ertəsi günü yerli vaxtla saat 23:00 radələrində baş verib. Yeraltı təkanlar İstanbulda və bir neçə qonşu vilayətdə də hiss olunub.