Daxili İşlər Nazirliyi İrakli Şaişmelaşvili barəsində cinayət təqibinə başlayıb

Gürcüstan Daxili İşlər Nazirliyi 4 oktyabr hadisələri ilə əlaqədar Xüsusi Tapşırıqlar Departamentinin Operativ Planlaşdırma İdarəsinin keçmiş rəisi İrakli Şaişmelaşvili barəsində cinayət təqibinə başlayıb. Bu barədə məlumatı daxili işlər naziri Gela Geladze nazirlikdə keçirilən brifinqdə açıqlayıb.

Nazirin sözlərinə görə, Şaişmelaşviliyə Gürcüstanın konstitusiya quruluşunun zorakı yolla dəyişdirilməsinə və dövlət hakimiyyətinin devrilməsinə çağırış ittihamı irəli sürülüb.

“Xaricdə olan iki şəxs barəsində cinayət təqibi başlanılıb, onlardan biri İrakli Şaişmelaşvilidir. O, konstitusiya quruluşunun zorakı yolla dəyişdirilməsinə və dövlət hakimiyyətinin devrilməsinə çağırışda ittiham olunur,” – deyə Gela Geladze bildirib.