Tina Bokuçava: “Avropa İttifaqı Gürcüstan vətəndaşlarına vizasız rejimi ləğv etməməlidir — bu, yalnız İvanişvili və onun ətrafına şamil edilməlidir”
"Avropa İttifaqının vizasız rejiminin məhdudlaşdırılması Gürcüstan vətəndaşlarına deyil, yalnız Bidzina İvanişvili və onun yaxın çevrəsinə tətbiq olunmalıdır."
InterPress.ge xəbər verir ki, bu barədə “Vahid Milli Hərəkat” partiyasının sədri Tina Bokuçava Avropa Xalq Partiyasının Vilnüsdə keçirilən siyasi assambleyasında çıxışı zamanı bəyan edib.
Partiyanın mətbuat xidmətinin məlumatına görə, Bokuçava çıxışı zamanı qeyd edib ki, AB-nin fərdi sanksiyaları İvanişviliyə, onun ailəsinə, təbliğatçılara və korrupsioner biznes dairələrinə yönəldilməlidir.
“Rejim üzvləri, təbliğatçılar və biznes elitası Avropa İttifaqı ölkələrinə səfər etmək hüququnu itirməlidirlər. Avropa İttifaqı həmçinin beynəlxalq maliyyə institutları vasitəsilə İvanişvilinin qeyri-legitim hökumətinə kreditlərin verilməsini dayandırmalıdır, çünki bu vəsaitlər repressiv aparatın və korrupsiya sxemlərinin maliyyələşdirilməsinə yönəldilir,” – deyə Bokuçava bildirib.
