Üç İran vətəndaşı Tbilisidə koronavirus şübhəsi ilə xəstəxanaya yerləşdirilib

Gürcüstana gələn üç İran vətəndaşı koronavirus şübhəsi ilə həkim nəzarətinə götürülüb.

InterPress.ge xəbər verir ki, bu barədə jurnalistlərə Milli Xəstəliklərə Nəzarət Mərkəzinin direktoru Amiran Gamkrelidze məlumat verib.

Onun sözlərinə görə, hər üç xəstə eyni ailənin üzvləridir. Onlar Gürcüstana gəldikdən qısa bir müddətdən sonra tibb müəssisəsinə köçürülüb.

"İran vətəndaşlarının birində temperatur və müvafiq simptomlar qeydə alınıb. Buna görə də onlar Tbilisi Yolxucu Xəstəliklər Xəstəxanasına yerləşdiriliblər. Orada müvafiq yoxlamalar aparılır", - deyə Qamkrelidze bildirib.