Gürcüstanın sabiq Baş naziri bu gün azadlığa buraxılacaq

Bu gün Gürcüstanın sabiq Baş naziri Vano Merabişvili azadlığa buraxılacaq.

InterPress.ge xəbər verir ki, 7 illik həbs müddəti başa çatdığı üçün sabiq Baş nazir saxlanıldığı Matrosov həbsxanasından bu gün azadlığa buraxılacaq.

Qeyd edək ki, V. Merabişvili 2013-cü ildə vəzifə səlahiyyətlərindən sui-istifadə maddəsi ilə həbs edilib. O, 2011-ci ildə Sandro Qirqvlianinin qətlinə dair dəlilləri gizlətməkdə, Valeri Gelaşviliyə qarşı fiziki hücumda, Kvariati villasının qarəti və bir sıra digər cinayət halları ilə əlaqəli olmaqda ittiham edilib.