İtaliyada Gürcüstan vətəndaşının qətlinə görə axtarışda olan gürcü tutulub

İtaliyanın Salerno şəhərində Gürcüstan vətəndaşının qətlinə görə axtarışda olan gürcü saxlanılıb.

InterPress.ge xəbər verir ki, bu barədə İtaliya mətbuatı məlumat yayıb.

İstintaqın məlumatına görə, qətl martın 2-də fikir ayrılıqları zəminində başlayan mübahisə nəticəsində baş verib.

Prokurorluq Salernoda qətlə yetirilən 49 yaşlı gürcüyə görə həbs qərarı verib. İstintaq zamanı bir neçə hadisə şahidi dindirilib, onların sözlərinə görə, saxlanılan şəxs zərərçəkmişi şiddətlə döyüb. Polisin araşdırması nəticəsində şübhəlinin şəxsiyyəti müəyyən edilib.