Fransa Ukrayna üçün 800 min artilleriya mərmisi almaq təşəbbüsünə qoşulacaq

Fransa Ukrayna üçün 800 min artilleriya mərmisi almaq təşəbbüsünə qoşulacaq.
 

InterPress.ge xəbər verir ki, bu barədə Fransa prezidenti Emmanuel Makron çexiyalı həmkarı Petr Pavellə görüşündən sonra bildirib.

Makronun sözlərinə görə, Çexiyanın Ukrayna üçün 800 min artilleriya mərmisi almaq təşəbbüsü son dərəcə faydalıdır. 

“Bu, hər yerdə mövcud olan və [Ukraynaya] verdiyimiz avadanlıqla uyğun olan sursatları axtarmaqdır”, - Makron bildirib.

Çexiya planının maliyyələşdirilməsindən danışan Fransa prezidenti bunun “ikitərəfli səfərbərlik, üçüncü ölkələrlə əməkdaşlıq ola biləcəyini” ehtimal edib.

“Bu həm də Avropa maliyyəsi, Avropa Sülh Fondunun maliyyəsi ola bilər, bu təşəbbüs üçün qismən səfərbər oluna bilər”, - Makron bildirib.

Məlumat üçün bildirək ki, indiyədək Çexiya Müdafiə Nazirliyi sözügedən təşəbbüslə bağlı Kanada, Danimarka və anonim qalmağa üstünlük verən bir sıra ölkələrdən ilkin öhdəliklər aldığını açıqlayıb. İştirak artilleriya mərmilərinin alınması üçün 250 milyon avro ayıran Hollandiya və 200 milyon avro ayıran Belçika tərəfindən açıq elan edilib.