Salome Zurabişvilinin Çin prezidenti ilə bağlı açıqlamasına Kobaxidze belə münasibət bildirdi

"Zurabişvilinin səlahiyyət müddətinin başa çatmasına aylar qalıb və o, bu aylardan maksimum istifadə edərək dövlətə qarşı yönəlmiş tapşırıqları yerinə yetirməyə çalışır".

InterPress.ge xəbər verir ki, bunu “Gürcü Arzusu” partiyasının İrakli Kobaxidze iclasda bildirib.

“Mən Salome Zurabişvilinin Çin prezidenti ilə bağlı açıqlamasına qısaca cavab vermək istərdim. Bu, hökumətin üzr istəməli olduğu biabırçı bəyanat idi. Bu, birinci dəfə deyil. Onun 2019-cu ildə Qareci məsələsi ilə bağlı verdiyi açıqlama yadınızdadır. Hökumətin diplomatik problemlərdən qaçması aylar çəkdi. Zurabişvili çalışır ki, hansısa yolla dövlət maraqlarımıza xələl gətirsin. Onun səlahiyyət müddətinin bitməsinə aylar qalıb və dövlət əleyhinə yönəlmiş tapşırıqları yerinə yetirmək üçün həmin aylardan maksimum istifadə etməyə çalışır. Təbii ki, Salome Zurabişvilinin bunu etmək imkanı olmayacaq, o, artıq formal prezident olaraq qalır, ona görə də əvvəldən axıra kimi dövlətin maraqları qorunacaq”, - Kobaxidze bildirib.