Kaladze Saakaşvilinin əfv olunması ilə bağlı açıqlama verdi

Tbilisi meri Kaxa Kaladzenin bəyanatına görə, Gürcüstan prezidenti Mixeil Saakaşvilini əfv etməyəcək.

InterPress.ge xəbər verir ki, o, bu barədə jurnalistlərə açıqlamasında deyib.

Onun sözlərinə görə, bu fərziyyənin əsasını Salome Zurabişvilinin aylar əvvəl verdiyi bəyanatlar təşkil edir.

“Düşünürəm ki, Salome Zurabişvili bunu etməyəcək. Çünki o, əsas etibarilə sözünü deyib. Onun sözünün üstündən dönəcəyini düşünmürəm, aylar əvvəl söylədiklərini və həmişə dediklərini yerinə yetirəcəyinə inanıram, amma heç nə istisna edilmir. O, bu addımı atarsa, Saakaşvili və onun siyasi komandasının 9 illik hakimiyyəti dövründə ölkəmizin əhalisinə gətirdiyi bədbəxtliklərin şəriki olacaq”, - deyə Kaxa Kaladze bildirib.