İrakli Ğaribaşvili: "Təhsil sahəsinə irimiqyaslı sərmayələr qoymağa başlamışıq"

"Təhsil sahəsinə irimiqyaslı sərmayələr qoymağa başlamışıq".

InterPress.ge xəbər verir ki, bu barədə Gürcüstanın Baş naziri İrakli Ğaribaşvili bildirib.

Onun sözlərinə görə, uşaq bağçalarının tikintisi və bərpası üçün təxminən bir milyard lari ayrılıb.

“Təhsil islahatının əsas vəzifəsi bütün səviyyələrdə keyfiyyətli təhsilin təmin edilməsidir. Bilirsiniz ki, təhsil sahəsinə böyük sərmayələr qoymağa başlamışıq. Bir daha xatırlatmaq istəyirəm ki, uşaq bağçalarının tikintisi və bərpası layihəsinə təxminən bir milyard lari ayırmışıq. Həmçinin, orta məktəblərin inkişafı, bərpası və tikintisi üçün bir milyard lari ayırdıq. Bu proses artıq başlayıb. 400-ə yaxın məktəb müqaviləsi bağlanıb və tikintisinə başlanılıb. Uşaq bağçalarının tikintisində də vəziyyət oxşardır”, - deyə baş nazir bildirib.