"Əsas problem ixtisaslı insan kapitalının yaradılması və inkişafıdır" - Baş nazir

"Əsas problem ixtisaslı insan kapitalının yaradılması və inkişafıdır".

InterPress.ge xəbər verir ki, bu barədə Gürcüstanın baş naziri İrakli Ğaribaşvili bu gün “Peşəkar təhsil - yeni baxış”ın təqdimatında bildirib. 

“Biz çox gözəl başa düşürük ki, güclü iqtisadi inkişaf fonunda yüksək ixtisaslı insan kapitalının yaradılması, bilik və bacarıqları işəgötürənin və özəl sektorun tələbatlarına tam uyğun olacaq mütəxəssislərin formalaşdırılması xüsusilə vacibdir”, - deyə o bildirib.

İrakli Ğaribaşvilinin sözlərinə görə, təqdim olunan təqdimat özəl sektor üçün innovativ yanaşmanı nəzərdə tutur.

 “Bu, bizim sizinlə peşəkar təhsilə investisiya etməyi nəzərdə tutan innovativ təklifdir. Biz həmçinin sizinlə birlikdə peşəkar proqramlar hazırlayacağıq ki, bu da öz növbəsində biznes tələblərinə uyğun kadrların hazırlanmasını təmin edəcək və məşğulluq səviyyəsini əhəmiyyətli dərəcədə artıracaq”, - Ğaribaşvili qeyd edib.