İlham Əliyev Şovidə baş vermiş təbii fəlakətlə bağlı Gürcüstanın baş nazirinə başsağlığı verdi

Azərbaycan Prezidenti İlham Əliyev Şovidə baş vermiş təbii fəlakətlə bağlı Gürcüstanın baş nazirinə başsağlığı verib

InterPress.ge xəbər verir ki, bu, İlham Əliyevin başsağlığı məktubunda qeyd olunub.

“Hörmətli Baş nazir, güclü sürüşmə nəticəsində Şovi kurort ərazisində geniş dağıntılar və insan tələfatı xəbərləri bizi dərindən kədərləndirdi.

Bu faciə ilə bağlı dərdinizi bölüşür, Sizə, həlak olanların ailələrinə və yaxınlarına, dost Gürcüstan xalqına öz adımdan və Azərbaycan xalqı adından dərin hüznlə başsağlığı veririk. Xəsarət alanların tezliklə sağalmasını arzulayır və təbii fəlakətin nəticələrinin tezliklə aradan qaldırılacağına ümid edirəm”.