Gürcüstan parlamentinin sədri müsəlmanları Qurban bayramı münasibətilə təbrik edib

Gürcüstan parlamentinin sədri Şalva Papuaşvili müsəlman vətəndaşları Qurban bayramı münasibətilə təbrik edib.

InterPress.ge xəbər verir ki, bu barədə o, sosial şəbəkədə yazıb.

Onun sözlərinə görə, Qurban bayramı xeyriyyəçilik və xeyirin şər üzərində qələbəsi bayramıdır.

“Müsəlman vətəndaşlarımızı Qurban bayramı münasibətilə ürəkdən təbrik edirəm. Qurban bayramı xeyriyyəçilik və xeyirin şər üzərində qələbəsi bayramıdır. Bu günün çox böyük tarixi var və onun humanizm ideyası əsrlər boyu getdikcə daha çox əhəmiyyət kəsb edir. Sizə sülh və firavanlıq arzulayıram. Bu gün hər biriniz üçün xeyirli gün olsun”, - Şalva Papuaşvili yazıb.