“Brent” neftinin qiyməti 43 dolları ötdü

ABŞ-da neft ehtiyatlarının azalması ilə bağlı xəbərlərdən sonra dünya bazarında neft bahalaşıb.

InterPress.ge xəbər verir ki, Tbilisi vaxtı ilə 2 iyul saat 22:25-ə olan məlumata görə, Londonun "ICE Futures" birjasında “Brent” markalı neftin sentyabr fyuçerslərinin bir barelinin qiyməti 2,59% artaraq 43,12 ABŞ dolları təşkil edib.

Nyu-Yorkun “Nymex” əmtəə birjasında WTI markalı neftin iyul fyuçerslərinin bir barelinin qiyməti 2,03% artaraq 40,63 ABŞ dolları olub.