"Baraka" nın direktoru - “Son üç ayda çörəyin qiyməti artıb”

Rusiyanın buğdaya tətbiq etdiyi gömrük rüsumu ölkədəki bütün iri dəyirmanların fəaliyyətini dayandırmasına səbəb olub.

lnterPress.ge xəbər verir ki, bu barədə un dəyirmanının direktoru Lado Bidzinaşvili bildirib.

Onun sözlərinə görə, Gürcüstan bazarında xaricdən gətirilən unun qiyməti artır, nəticədə son 3 ayda çörəyin qiyməti 30% artıb.

“Emalın mənası olmadığı üçün buğdanı xaricdən gətirməmişik.  Biz hazır unu idxal edirik, onun da qiyməti qalxıb. Son üç ayda çörəyin qiyməti 30% artıb.

Real vəziyyət belədir, indi bütün dəyirmanlar dayanıb və heç bir böyük dəyirman sırf Gürcüstan məhsulunu emal etmək üçün fəaliyyətini bərpa edə bilmir. Əsasən üyütmə zamanı qarışdırma olmazsa, rus və ya qazax buğdasının texniki göstəriciləri qənaətbəxş olmayacaq. Bundan əlavə, biz o qədər miqdarda istehsal edə bilmərik ki, böyük istehsalçı emala başlasın. Kiçik dəyirmanlar müəyyən miqdarda emal edə bilər, lakin böyük dəyirmanların yalnız gürcü buğdası üzərində işləməsi qeyri-realdır” - deyə Bidzinaşvili bildirib.

Məlumat üçün bildirək ki, “Baraka” Gürcüstanda ötən ay fəaliyyətini dayandıran, lakin hələ də çörək bazarında qalan iri dəyirman şirkətlərindən biri olub.