Sinoptiklərdən açıqlama - Hava temperaturu yüksələcək

İyulun 15-dək Qərbi Gürcüstanın bəzi rayonlarında qısamüddətli yağış yağacağı, şimşək çaxacağı gözlənilir. Havanın temperaturu gündüz +28, +33 dərəcə təşkil edəcək.

lnterPress.ge xəbər verir ki, bu barədə Milli Ətraf Mühit Agentliyi məlumat yayıb.

Şərqi Gürcüstanda yüksək temperatur fonunda bəzi yerlərdə qısamüddətli yağış yağacağı, şimşək çaxacağı ehtimalı var. Havanın temperaturu gündüz +32, +37 dərəcə təşkil edəcək.

Tbilisidə yağışsız hava şəraiti qorunacaq. Havanın temperaturunun +33, +35 dərəcə olacağı gözlənilir.