Türkiyə qərarını açıqladı: Karantin bitir...

Türkiyədə koronavirusla mübarizədə tətbiq olunan karantin rejimindən çıxmaq üçün hökumətin verdiyi qərarlar açıqlanıb.

InterPress.ge xəbər verir ki, bu barədə danışan Türkiyə Prezidenti Rəcəb Tayyib Ərdoğan 18 yaşdan aşağı olanlar üçün məhdudiyyətlərin tam olaraq aradan qaldırıldığını vurğulayıb.

Məlumata əsasən, 65 yaş və ondan yuxarı həddə olan vətəndaşlar bundan sonra saat 10.00-dan 20.00-dək evdən çıxa bilərlər.

İyulun 1-dən etibarən toy mərasimi salonları, 15 gün sonra isə nikah yerləri fəaliyyətə başlaya biləcək. Kafe və restoranlar saat 00:00-dək çalışacaq. Kinoteatrlar iyulun 1-dən tamaşaçıları qəbul edəcək.