İnfrastruktur Nazirliyi büdcənin birinci rübünün nəticələrini açıqlayır

Gürcüstanın Regional İnkişaf və İnfrastruktur Nazirliyi 2021-ci ilin birinci rübü üçün dövlət büdcəsi tərəfindən təsdiq edilmiş planı 106,4%-lə yerinə yetirib.

lnterPress.ge xəbər verir ki, Regional İnkişaf və İnfrastruktur Nazirliyi bu barədə məlumat yayıb.

Məlumata görə, 3 aylıq plan 342,4 milyon lari, nağd xərclər isə 364,3 milyon lari olub.

"Yollar İdarəsi və Bələdiyyə İnkişaf Fondu 3 ay üçün təsdiq edilmiş planı müvafiq olaraq 18% və 16% üstələyib.

Birləşmiş Su Təchizatı Şirkəti dəqiqlənmiş planın 96% -ni, Qatı Tullantıların İdarə Edilməsi Şirkəti isə 94% -ni mənimsəyib.

Kreditlər və qrantlar hissəsinə gəldikdə, Nazirlik birinci rüb üçün planı 24,7 milyon lari aşıb", - bildirilir yayılan məlumatda.