Gürcüstanda dövlət bayraqları endirildi

Gürcüstanda bu gün sovet işğalının 99-cu ildönümü tamam olur.

InterPress.ge xəbər verir ki, bununla bağlı ölkənin bütün dövlət qurumlarında bayraqlar endirilib.

Dövlət bayraqları Gürcüstan prezidentinin sarayı, parlament, hökumət və digər dövlət idarələrinin binalarında da endirilib.

Gürcüstan parlamentinin 21 iyul 2010-cu il tarixli qərarı ilə fevralın 25-i Sovet işğalı günü elan olunub. İşğalın yüzlərcə qurbanlarına hörmət əlaməti olaraq, bu günki günü Gürcüstanın bütün ərazisində dövlət bayraqları endirilir.

Qeyd edək ki, 1921-ci ilin fevralın 25-də Qırmızı ordu Tbilisiyə daxil olub və Gürcüstanın ümumxalq və azad seçkilərlə seçilmiş hakimiyyəti devirdi.