İnterpolun qırmızı bülleteni ilə axtarışda olan şəxs saxlanılıb

“Əməkdaşlarımız axtarışda olan şəxsi Batumidə saxlayıblar. Hazırda saxlanılan şəxslə bağlı qanunvericiliklə nəzərdə tutulan ekstradisiya prosedurları həyata keçirilir.”

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Nazirliyin məlumatına görə, Patrul Polisi Departamentinin əməkdaşları İnterpolun qırmızı bülleteni ilə beynəlxalq axtarışda olan xarici ölkə vətəndaşını saxlayıblar.

Saxlanılan şəxs Yunanıstanın hüquq-mühafizə orqanlarının tələbi əsasında xüsusilə külli miqdarda pul vəsaitini dələduzluq yolu ilə mənimsəmək ittihamı ilə axtarışda olub.

Hazırda onun barəsində qanunla nəzərdə tutulan ekstradisiya prosedurları həyata keçirilir.