Qardabanidə baş verən ağır yol qəzasında ölənlərin sayı 7-yə çatıb

Qardabanidə baş verən ağır yol-nəqliyyat hadisəsi nəticəsində ölənlərin sayı 7-yə çatıb.

InterPress.ge xəbər verir ki, daha bir nəfər isə ağır vəziyyətdə xəstəxanaya yerləşdirilib.

Qəza bu gün Qardabaninin Birlik kəndində baş verib.

Gürcüstan Daxili İşlər Nazirliyindən bildirilib ki, faktla bağlı Cinayət Məcəlləsinin 276-cı maddəsinin 8-ci hissəsi ilə istintaq başlanıb. Həmin maddə nəqliyyatın hərəkət təhlükəsizliyi və ya istismarı qaydalarının pozulmasını, bunun nəticəsində insan ölümünə səbəb olmasını nəzərdə tutur.