FT: Ukrayna ilə bağlı danışıqlar ləngiyib və Kiyev üçün “fəlakətə” çevrilə bilər

Ukrayna ilə bağlı sülh danışıqları ləngiyib və bu vəziyyət Kiyev üçün “fəlakətə” çevrilə bilər.

InterPress.ge xəbər verir ki, bu barədə Financial Times nəşri dörd avropalı diplomatın sözlərinə istinadən məlumat yayıb.

Diplomatların bildirdiyinə görə, ABŞ-ın əsas diqqəti hazırda İranla bağlı müharibəyə yönəlib və bu səbəbdən Ukrayna üzrə danışıqlar prosesi “risk zonasına” düşüb.

“Ukrayna ilə bağlı sülh danışıqları faktiki olaraq yoxa çıxır, çünki Trampın diqqəti İrana yönəlib”, – deyə nəşr qeyd edir.

InterPress.ge-nin məlumatına görə, avropalı diplomatların biri mövcud vəziyyəti Avropa və Ukrayna üçün “fəlakət” adlandırıb.

Mənbələrin sözlərinə görə, neft qiymətlərinin artması Moskvanın xeyrinə işləyir. Eyni zamanda ABŞ-ın Rusiyanın neft sənayesinə qarşı yeni məhdudiyyətlər tətbiq etməməsi Rusiyaya təzyiqi daha da azaldır.

“ABŞ prezidenti artıq Vladimir Putinə təzyiq göstərməyə fokuslanmayıb”, – deyə avropalı rəsmilər bildiriblər.

Bu fonda danışıqlar faktiki olaraq zəifləyib və növbəti raundun keçirilməsi hələ planlaşdırılmayıb.

Qeyd edək ki, üçtərəfli sülh danışıqlarının son raundu 17–18 fevral tarixlərində Cenevrədə keçirilib. 5 martda Əbu-Dabidə keçirilməsi planlaşdırılan növbəti görüş ABŞ və İsrailin İrana endirdiyi zərbələr səbəbindən təxirə salınıb. Yeni tarix və məkan hələ açıqlanmayıb.