Marneulidə qadını bıçaqlayan şəxs saxlanıldı- VİDEO

Gürcüstan Daxili İşlər Nazirliyinin Kvemo Kartli Polis Departamentinin Marneuli Rayon İdarəsinin əməkdaşları ailə üzvünə qəsdən yüngül xəsarət yetirməkdə ittiham olunan 1994-cü il təvəllüdlü E.G.-ni saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb. 

İstintaqla müəyyən edilib ki, təqsirləndirilən şəxs mübahisə zəminində soyuq silahdan istifadə edərək 2000-ci il təvəllüdlü M.G.-yə bədən xəsarəti yetirib.

Yaralanan qadın xəstəxanaya yerləşdirilib və ona müvafiq tibbi yardım göstərilib.

Hüquq-mühafizə orqanlarının əməkdaşları aparılmış istintaq tədbirləri nəticəsində E.G.-ni isti izlərlə təqsirləndirilən şəxs qismində saxlayıblar.

Faktla bağlı istintaq Gürcüstan Cinayət Məcəlləsinin 11 prima 120-ci maddəsinin 2-ci hissəsi ilə aparılır. Bu maddə 5 ilə qədər azadlıqdan məhrumetmə cəzasını nəzərdə tutur.