İnterpolun “qırmızı bülleteni” ilə axtarılan şəxs Marneulidə saxlanılıb

Gürcüstan Daxili İşlər Nazirliyinin Kvemo Kartli Polis Departamentinin əməkdaşları İnterpol tərəfindən “qırmızı bülleten”lə axtarışa verilmiş Türkiyə Respublikasının vətəndaşı, 1968-ci il təvəllüdlü E.K.-nı saxlayıblar.

InterPress.ge xəbər verir ki, bu barədə Daxili İşlər Nazirliyi məlumat verib. 

Məlumata görə, saxlanılan şəxs Türkiyə hüquq-mühafizə orqanlarının tələbi əsasında Türkiyə ərazisində törədilmiş oğurluq cinayətlərinə görə axtarışda olub.

Hüquq-mühafizə orqanlarının əməkdaşları tərəfindən həyata keçirilmiş əməliyyat-axtarış və istintaq tədbirləri nəticəsində E.K. Marneuli şəhərində saxlanılıb.

Hazırda saxlanılan şəxs barəsində qanunvericiliyə uyğun olaraq ekstradisiya prosedurları həyata keçirilir.