Kaxa Kaladze: “Heç bir ‘Cənubi Osetiya’ yoxdur – Samtsxablo Gürcüstanın ayrılmaz hissəsidir”

"Keçmiş Cənubi Osetiya Muxtar Vilayətinin ərazisində yaradılmış inzibati-ərazi vahidinin ləğvi ilə bağlı qərar əvvəlki hakimiyyətin yürüdüyü “Gürcüstana qarşı düşmənçilik siyasətinin” davamının aradan qaldırılmasıdır."

InterPress.ge xəbər verir ki, bu barədə Tbilisi meri və “Gürcü Arzusu” partiyasının baş katibi Kaxa Kaladze bildirib.

Kaladzedən mövzu ilə bağlı partiyanın qərarı haqqında sual soruşulduqda o qeyd edib ki, məsələyə dair hökumət dəfələrlə izahat verib və Konstitusiya Məhkəməsinə də müvafiq şikayət təqdim olunub.

“Cənubi Osetiya məsələsi ilə bağlı biz dəfələrlə açıqlama vermişik. Konstitusiya Məhkəməsinə də şikayət daxil edilib. Bu addım əvvəlki hakimiyyətin Gürcüstana qarşı həyata keçirdiyi düşmənçilik siyasətinin davamı idi. Heç bir ‘Cənubi Osetiya’ mövcud deyil, Samtsxablo var və o, Gürcüstanın ayrılmaz hissəsi olub. Təəssüf ki, hazırda ruslar tərəfindən müvəqqəti işğal altındadır – bu, reallıqdır,” – deyə Kaxa Kaladze bildirib.