Saakaşvili: “Yeni təhsil (savadsızlıq) sisteminin müəlliflərindən biri əslində 8 illik təhsili olmayan Kaladzedir”

Gürcüstanın üçüncü prezidenti Mixeil Saakaşvili təhsil islahatları ilə bağlı hökumətin elan etdiyi yenilikləri tənqid edib.

Interapress.ge-nin məlumatına görə, o, özünün “Facebook” səhifəsində yayımladığı bəyanatda bildirib ki, hakimiyyət təhsil sistemini Avropadan uzaqlaşdırır və bunun müəlliflərindən biri Tbilisinin meri Kaxa Kaladzedir.

“İvanişvili amerikalı müəllimlər proqramını və Amerika Texnoloji Universitetini bağladı. O vaxt mənim istisnam olmaqla, hamı susdu. İndi isə tamamilə təhsil sistemini Avropadan uzaqlaşdırır. Tarixdə qalacaq fakt budur ki, yeni təhsil (savadsızlıq) sisteminin rəsmi müəlliflərindən biri əslində 8 illik təhsili belə olmayan Kaladzedir,” – deyə Saakaşvili yazıb.