Kobaxidze Misirdə keçirilən “Sülh Sammitinə” Gürcüstanın dəvət olunmaması ilə bağlı suala cavab verib

Gürcüstanın Baş naziri İrakli Kobaxidze Misirdə keçirilən “Sülh Sammitinə” Gürcüstanın dəvət olunmaması ilə bağlı suala cavab verib.

O bildirib ki, Ermənistan və Azərbaycanın sammitdə iştirakı onların qarşılıqlı müharibə keçmişi ilə bağlıdır.

“Ermənistan və Azərbaycan bu ‘sülh forumuna’ yalnız bir səbəbdən dəvət olunublar — çünki onlar bir-biri ilə müharibə aparıblar. Biz də müharibə edə bilərdik və bəlkə də bizi dəvət edərdilər, amma biz müharibə etmədik. Qısa cavab budur,” – deyə Kobaxidze bəyan edib.

Xatırladaq ki, “Sülh Sammiti” hazırda Misirdə keçirilir və regiondan Ermənistan və Azərbaycan orada iştirak edir.