Əsəd Əliyevdən Daur İsmayılova rüşvət ittihamı: "Şərəfsizlik etməyin"

“Lelo – Güclü Gürcüstan” partiyasının Marneuli merliyinə namizədi Əsəd Əliyev rəqibi, hakim “Gürcü Arzusu” partiyasının namizədi Daur İsmayılovu rüşvət təklif etməkdə ittiham edib.

InterPress.ge xəbər verir ki, Əsəd Əliyev bu barədə öz “Facebook” səhifəsində paylaşım edərək yazıb:

“Daur İsmayılov, kişi kimi mübarizə apar, ailəmə rüşvət təklif eləmə! Şərəfsizlik etməyin!”

Məsələ ilə bağlı “Gürcü Arzusu”nun merliyə namizədi Daur İsmayılovun mövqeyini öyrənmək üçün InterPress.ge redaksiyası dəfələrlə onunla əlaqə saxlamağa çalışsa da, o, telefon zənglərinə cavab verməyib.