Gürcüstan vətəndaşı Polşada araq oğurlamaqda ittiham olunur

Polşada Gürcüstan vətəndaşı araq oğurlamaqda və mühafizəçini yaralamaqda ittiham olunur.

InterPress.ge xəbər verir ki, Polşa mətbuatında yayılan məlumata görə, Gürcüstan vətəndaşı mağazadan araq oğurlamaq istəyərkən mühafizəçini bıçaqlayıb.

Hadisə ötən ilin dekabrında baş verib.

Polşa prokurorluğu gürcünün həbs olunmasını tələb edib, lakin məhkəmə vəsatəti təmin etməyib və təqsirləndirilən şəxsi nəzarət altında azadlığa buraxıb.

KİV-in məlumatına görə, Polşa tərəfi təqsirləndirilən şəxsin həbsinə order verib, lakin o, hazırda yoxa çıxıb və hüquq-mühafizə orqanları onun yerini müəyyənləşdirməyə çalışır.