Ov tüfəngindən təsadüfən açılan atəş nəticəsində orta yaşlı şəxs öldürülüb

Siqnaqidə 52 yaşlı kişi təsadüfən açılan güllə ilə öldürülüb.

InterPress.ge xəbər verir ki, hadisə Kedeli qəsəbəsindəki bağ evlərindən birində baş verib.

Məlumata görə, ev sahibi qonaqları üçün ov tüfəngi ilə quş vurmaq istəyərkən güllə dostuna dəyib.

Kişi döş qəfəsindən aldığı xəsarətlərdən xəstəxanaya aparılmazdan əvvəl dünyasını dəyişib.

Hadisə ilə bağlı ehtiyatsızlıqdan adam öldürmə maddəsi ilə araşdırma başlanılıb.

Təqsirləndirilən şəxs saxlanılıb.