Hökumət 6000-ə qədər məhbusu əfv etməyi planlaşdırır

Parlament çoxluğunun lideri Mamuka Mdinaradzenin sözlərinə görə, amnistiya qanunu təxminən 6000 məhbusu əhatə edəcək.

InterPress.ge xəbər verir ki, Mdinaradze bu barədə çoxluğun iclasından sonra keçirilən brifinqdə bəyan edib.

"Bu, ən böyük amnistiyalardan biridir və insanlara sosiallaşmaq imkanı veriləcək ki, bu da vacibdir. Sabah və sonrakı günlərdə biz müxtəlif vaxtlarda və müxtəlif formalarda son nəticədə 6000-ə qədər məhbusu əhatə edəcək amnistiya qanununu müzakirə edəcəyik. Bunlardan 1000-dən çoxu amnistiya qüvvəyə mindikdən dərhal sonra, 5000 məhkum isə müxtəlif vaxtlarda tədricən təcridxananı tərk edəcək. Bu, ən böyük amnistiyalardan biridir. Çoxlu fərziyyələrə baxmayaraq, biz yaxşı iş görürük və insanlara yenidən sosiallaşmaq imkanı veriləcək ki, bu da hökm çıxarılarkən nəzərə alınır”, - deyə Mamuka Mdinaradze bildirib.