Politico: “Aİ Gürcüstanı müxalifət partiyalarına qadağa qoymamağa çağırır”

“Avropa İttifaqı Gürcüstana xəbərdarlıq edir ki, müxalifət partiyalarına qadağa qoymasın”.

InterPress.ge xəbər verir ki, “Politico” bu sərlövhədə məqalə dərc edərək “Gürcü Arzusu”nun planına növbəti dəfə cavab verib.

Məqalədə deyilir ki, əgər Gürcüstan hökuməti bunu etsə, “bütün variantlar masa üzərindədir”. 

“Politico” Avropa Komissiyasının sözçüsü Peter Stanoya istinadən yazır ki, “Brüssel müxalifət partiyalarına qadağa qoyulması planlarından narahatdır”.

"Müxalifət partiyaları, fəal vətəndaş cəmiyyəti və müstəqil media hökumətlərin hesabatlılığını və demokratik dəyərlərin qorunmasını təmin etmək üçün vacibdir" deyən Stano plüralizmin "Aİ-yə üzvlük prosesinin mərkəzi sütunu olduğunu" bildirib.