Baş nazir: Gürcüstan parlamenti birpartiyalı ola bilər

“Vahid Milli Hərəkat” müxalifət partiyasının deputatlarının mandatları ləğv olunarsa, oktyabrın 26-da keçiriləcək seçkilərdən sonra parlament birpartiyalı ola biləcəyi istisna deyil.

InterPress.ge xəbər verir ki, bunu jurnalistlərə açıqlamasında Baş nazir İrakli Kobaxidze bildirib.

“Bu gün Moldova parlamenti praktiki olaraq birpartiyalıdır, lakin bu barədə heç kim danışmır. Ancaq hər kəs bunu alqışlayır. Eynisi Gürcüstanda da olacaq”, - o bildirib.

Baş nazir parlament seçkilərinin nəticələrinə görə ölkənin qanunverici orqanına yalnız iki partiyanın - hakim "Gürcü Arzusu - Demokratik Gürcüstan" və "Vahid Milli Hərəkat"ın düşəcəyini proqnozlaşdırır.