Hakim partiya seçkilərdə konstitusiya çoxluğu əldə edərsə, LGBT təbliğatına qarşı çıxan qanun qəbul edəcək

“Gürcü arzusu” partiyasının fəxri sədri Bidzina İvanişvili Mtsxetada seçki kampaniyasının regional tədbirinə toplaşan əhali qarşısında çıxış edərək, hakim komandanın oktyabrın 26-da keçiriləcək seçkilərdə parlament çoxluğunu əldə etməli olmasının səbəbini izah edib.

InterPress.ge xəbər verir ki, konstitusiya çoxluğunu əldə etdikdən sonra “Gürcü arzusu” “Ailə dəyərləri və yetkinlik yaşına çatmayanların müdafiəsi haqqında” qanun qəbul edəcək, nəticədə Gürcüstanda eynicinsli şəxslərin evlənməsi, həmçinin LGBT cütlüyünün uşaq övladlığa götürməsi və s. qadağan ediləcək.

“Gürcü arzusu” konstitusiya çoxluğunu aldıqdan sonra LGBT-təbliğatına və psevdoliberal ideologiyanın digər təzahürlərinə qarşı çıxacaq “Ailə dəyərləri və yetkinlik yaşına çatmayanların müdafiəsi haqqında” konstitusiya qanununu qəbul edəcək.

Gürcüstanda konstitusiya səviyyəsində eynicinsli vətəndaş tərəfdaşlığı deyilən şeylər, LGBT cütlüyünün övladlığa götürməsi, cinsiyyətin dəyişdirilməsi əməliyyatları, mediada və məktəblərdə LGBT təbliğatı və s. qadağan olunacaq. Antixristian qüvvələr millətlərin, dövlətlərin və insanların bütün şəxsiyyətlərini məhv etməyə çalışırlar. Məqsədləri insanı ləyaqət və əxlaqdan məhrum, heç bir milli, dini, şəxsi kimliyi olmayan bir varlığa çevirməkdir; İnsan hətta qadın və ya kişi olduğunu dəqiq bilməməlidir. Psevdoliberal ideologiya artıq bir çox ölkələr üçün ən pis nəticələrə malikdir və buna görə də, bu məsələ ilə bağlı kənardan təzyiq nə qədər güclü olsa da, biz onun Gürcüstanda yayılmasına prinsipial olaraq qarşı çıxmalıyıq”, - Bidzina İvanişvili bildirib.