Baş nazir: Bütün istiqamətlər üzrə çox iddialı planlar bizim seçki proqramımızın bir hissəsi olacaq

"Bizim əsas vəzifəmiz iqtisadi artımın yüksək tempini saxlamaqdır ki, bu da artıq bizə ölkədə sosial şəraiti yaxşılaşdırmağa imkan verib".

InterPress.ge xəbər verir ki, bu barədə jurnalistlərə Gürcüstanın baş naziri İrakli Kobaxidze açıqlama verib.

Onun sözlərinə görə, hakim komanda bütün istiqamətlər üzrə çox iddialı planlar təqdim edəcək.

"Bizim çox genişmiqyaslı, vacib vədlərimiz var, o cümlədən hökumət iclaslarında bunlarla bağlı danışırıq. İqtisadi artımla bağlı iddialı planlarımız var. Bizim əsas vəzifəmiz iqtisadi artımın yüksək tempini saxlamaqdır ki, bu da artıq bizə ölkədə sosial şəraiti yaxşılaşdırmağa imkan verib. Yoxsulluq səviyyəsi 435 min nəfərə qədər düşüb. Ölkəmizin əldə etdiyi sürətli iqtisadi artım sayəsində 700 minə yaxın insan yoxsulluqdan qurtulub, bu kifayət etməsə də, bizim iddialı vəzifəmiz yoxsulluğu sona qədər aradan qaldırmaqdır və təbii ki, bunun üçün yüksək iqtisadi artım tempini saxlamaq lazımdır. Bunun üçün iddialı layihələr, o cümlədən iddialı infrastruktur layihələri var. Rikotinin tarixi layihəsi, Tbilisi-Batumi avtomobil yolunun layihəsi sona çatdırılacaq və avtomobil yolunun sərhədlər istiqamətində tikintisi davam etdiriləcək, bu, Ermənistan sərhədinə, Azərbaycan sərhədinə aiddir. Anaklia limanının tikintisi üzrə işlər fəal şəkildə aparılır. Bizim Tbilisi Beynəlxalq Hava Limanının tikintisi ilə bağlı da iddialı planımız var. Həmçinin, təhsil sahəsində bizim tərəfimizdən xüsusilə universitet təhsilinə aid olan yüksək iddialı plan təqdim olunacaq. Konkret mühüm layihələr var, məsələn, stadion layihəsi və s. İstər təhsil, mədəniyyət, idman, səhiyyə, sosial təminat, iqtisadiyyat, xarici siyasət və ya hər hansı digər istiqamətlərdə çox iddialı planlar təqdim edəcəyik ki, bu da bizim seçki proqramımızın tərkib hissəsi olacaq”, - deyə baş nazir bildirib.