Prokurorluq DİN-in Xüsusi Əməliyyat İdarəsinin əməkdaşına qarşı ittiham irəli sürüb

Gürcüstan Prokurorluğu Daxili İşlər Nazirliyinin Xüsusi Təyinatlı Departamentinin əməkdaşına qəsdən sağlamlığa ağır xəsarət yetirmə faktı üzrə ittiham irəli sürüb.

InterPress.ge xəbər verir  ki,  bu barədə Prokurorluq məlumat yayıb.

Xüsusi İstintaq Xidməti tərəfindən aparılan istintaq tədbirləri ilə müəyyən edilib ki, iyulun 29-da Qori Bələdiyyəsinin Aten kəndində Daxili İşlər Nazirliyinin Xüsusi Təyinatlı Bölməsinin müfəttişi zərərçəkmişin sağlamlığına ağır xəsarətlər yetirib.

“Xüsusi İstintaq Xidmətinin əməkdaşları iyulun 31-də təqsirləndirilən şəxsi həbs ediblər. O, Gürcüstan Cinayət Məcəlləsinin 117-ci maddəsinin 1-ci hissəsi (qəsdən sağlamlığa ağır zərər vurma, yəni bədənə həyat üçün təhlükəli olan xəsarət yetirmə) ilə ittiham olunub.

Prokurorluq təqsirləndirilən şəxs barəsində həbs qətimkan tədbirinin seçilməsinin müddətinin uzadılması barədə vəsatətlə qanunla müəyyən edilmiş müddətdə məhkəməyə müraciət edir.
"Cinayətdə iştirak edən digər şəxslərin müəyyən edilməsi məqsədilə Xüsusi İstintaq Xidmətində başlanmış cinayət işinin istintaqı davam etdirilir", - məlumatda deyilir.