Ağır yol qəzasında bir nəfər həyatını itirib

Rustavi-Qaçiani yolunda baş verən qəza itki ilə başa çatıb.

InterPress.ge xəbər verir ki, bu barədə “İnfo Rustavi” informasiya agentliyi məlumat yayıb.

Məlumata görə, əvvəlcə avtomobillərdən biri piyadanı vurub, daha sonra digər avtomobillə toqquşub, nəticədə hər iki avtomobil ağaca çırpılıb.

Qəza zamanı 60 yaşlı piyada yerindəcə dünyasını dəyişib.

Yerli sakinlərin sözlərinə görə, yolun bu hissəsində tez-tez qəzalar baş verir və bu səbəbdən də Qardabani bələdiyyəsindən dəfələrlə sürət məhdudlaşdırıcı qurğuların quraşdırılması tələb olunub.

Hadisə yerinə hüquq-mühafizə orqanlarının əməkdaşları səfərbər olunub, əməliyyat-istintaq tədbirləri davam etdirilir.