“Xarici agentlər haqqında” qanuna qarşı iddialar birləşdiriləcək

Gürcüstan Prezidenti Salome Zurabişvili, müxalif deputatlar, eləcə də qeyri-hökumət təşkilatlarının “Xarici agentlər haqqında” qanuna qarşı Konstitusiya Məhkəməsinə təqdim etdikləri iddialar birləşdiriləcək.

InterPress.ge xəbər verir ki, bu barədə jurnalistlərə məhkəmənin sədri Merab Turava məlumat verib.

“Hər üç iddiaya bir iş çərçivəsində baxılacaq. Bizə həm iddiaları oxumaq, həm də müqayisəli hüquqi araşdırma aparmaq üçün ən azı bir ay vaxt lazımdır”, - o bildirib.

“Xarici agentlər haqqında” qanuna qarşı irəli sürülən iddiaları öyrənmək və hüquqi qiymət vermək üçün Konstitusiya Məhkəməsinə minimum bir ay vaxt tələb olunacaq.