İrakli Kobaxidze Ursula fon der Leyeni yenidən Avropa Komissiyasının sədri seçilməsi münasibətilə təbrik edib

Gürcüstanın baş naziri İrakli Kobaxidze Ursula fon der Leyeni yenidən Avropa Komissiyasının sədri seçilməsi münasibətilə təbrik edib.

InterPress.ge xəbər verir ki, hökumət başçısı əməkdaşlığın davam etdirilməsinə və Gürcüstanın Avropaya inteqrasiyasının gücləndirilməsinə diqqət yetirib.

“Ursula fon der Leyeni yenidən Avropa Komissiyasının sədri seçilməsi münasibətilə təbrik edirəm.  Mən əməkdaşlığımızın davamını və Gürcüstanın Avropaya inteqrasiyasının güclənməsini səbirsizliklə gözləyirəm”, - baş nazir X sosial şəbəkəsində yazıb.

Ursula fon der Leyen ikinci müddətə Avropa Komissiyasının sədri seçilib. Onun seçilməsini 401 deputat dəstəkləyib, 284 deputat əleyhinə səs verib, 15 deputat isə bitərəf qalıb.