Ukraynada daha bir gürcü döyüşçü həlak olub

Ukraynada döyüşən daha bir gürcü əsgəri Zurab İaşvili həlak olub.

InterPress.ge xəbər verir ki, bu barədə onun silahdaşı Vano Nadiradze sosial şəbəkədə məlumat yayıb və onun yaralandıqdan sonra Lvov hərbi hospitalında dünyasını dəyişdiyini qeyd edib.

“Ukraynada daha bir gürcü əsgər həlak olub. Yaralanandan sonra uzun müddət yatsa da, təəssüf ki, sağ qalmayıb. O, Lvov hərbi hospitalında dünyasını dəyişib. Zurab İaşvili - Qəhrəman ruhun şad olsun qardaş!” - Ukraynada döyüşən Vano Nadiradze yazır.

Mövcud məlumata görə, Rusiya-Ukrayna müharibəsi başlayandan bəri Ukraynada 60-dan çox gürcü döyüşçüsü öldürülüb.