Gürcüstanın yeni baş prokuroru vəzifəsinə namizədin kimliyi məlum olub

Prokurorluq Şurası Baş prokuror vəzifəsinə namizəd kimi baş prokurorun müavini Giorgi Qabitaşvilini seçib.

InterPress.ge xəbər verir ki, müvafiq olaraq, onun namizədliyi Milli Məclisə təqdim olunacaq.

Xatırladırıq ki, dünən Gürcüstanın “Prokurorluq haqqında” Üzvi Qanununun 16-cı maddəsinə uyğun olaraq, Prokurorluq Şurası Gürcüstanın Baş Prokurorluğuna üç namizədi – Viktor Axalbedaşvili, Darejan Butsxrikidze və Giorgi Qabitaşvilini seçib.
Səsvermədə Giorgi Qabitaşvili 11 səs toplayıb ki, bu da Prokurorluq Şurasının tam tərkibinin üçdə ikisindən çoxunu təşkil edir. Viktor Axalbedaşvili və Darejan Butsxrikidze bir səs də ala bilməyib.