08 
Iyl
2024
14:21
129

Ombudsman: Psixi Sağlamlıq və Narkomanyanın Qarşısının Alınması Mərkəzində palataların təmirə ehtiyacı var, hamamlar köhnəlib 

"Psixi Sağlamlıq və Narkomanlığın qarşısının alınması mərkəzində həddindən artıq sıxlıq olan palatalar şəxsi məkanın mühafizəsinə imkan vermir, palataların təmirə ehtiyacı var, hamam otaqları bərbad, nasaz və qeyri-kafidir."

InterPress.ge xəbər verir ki, bu barədə Xalq müdafiəçisi məlumat verib.

Məlumata əsasən, müəssisədəki müalicə, infrastruktur və sanitar-gigiyenik şəraitin milli və ya beynəlxalq standartlara cavab vermir, xəstələrin ləyaqətinin qorunması şəraitində müalicə olunmasını mümkünsüz olduğu bildirilir.

“İyulun 5-də Gürcüstanın xalq müdafiəçisi Levan İoselian “Psixi Sağlamlıq və Narkomaniyaya Qarşı Mübarizə Mərkəzi” MMC-də olub və müəssisədə psixi sağlamlıq problemi olan şəxslərin hüquqi vəziyyəti ilə tanış olub.

Xalq müdafiəçi müəssisənin stasionar psixiatriya şöbələrinin, palatalarının, yeməkxanalarının, hamamlarının fiziki şəraitinə baxış keçirib, xəstələr, mərkəzin rəhbərliyi və əməkdaşları ilə görüşüb söhbət edib.

Başçəkmə nəticəsində müəssisədəki mövcud terapevtik, infrastruktur və sanitar-gigiyenik şəraitin milli və ya beynəlxalq standartlara uyğun olmadığı, xəstələrin ləyaqətinin qorunması şəraitində müalicə olunmasını mümkünsüz etdiyi xüsusi problem kimi aşkar edilib. Həddindən artıq dolu palatalar şəxsi məkanı qorumaq imkanını təmin etmir, palataların təmirə ehtiyacı var, hamamlar köhnəlmiş, nasaz və qeyri-kafidir (60 nəfərə qədər 2-3 vanna otağı). Xəstələr lazım olan bütün gigiyena məhsulları ilə təmin edilmir. Yemək otağı kiçikdir, bu da xəstələrin birlikdə yemək yeməsinə imkan vermir.
Müəssisədə psixo-sosial reabilitasiya üçün yer var, o, kompüter avadanlığı və müxtəlif reabilitasiya tədbirləri üçün müvafiq resurslarla təmin olunub, lakin həm yer, həm də resurslar kifayət deyil və müvafiq ehtiyacı olan bütün xəstələrin reabilitasiya tədbirlərinə cəlb olunmasını təmin edə bilmir. Xəstənin təhlükəsizliyi problemi kəskin şəkildə vurğulanıb (bir neçə gün əvvəl bir xəstə pəncərədən atılıb. Xoşbəxtlikdən hadisənin ölümcül nəticəsi olmayıb). Həmçinin, təcili həll edilməli olan insan və maliyyə resurslarının çatışmazlığıda var. 
xalq müdafiəçisi məsul dövlət qurumlarını psixi sağlamlıq sahəsində illərdir həllini tapmayan sistemli problemlərin aradan qaldırılması üçün tədbirləri gücləndirməyə və insan hüquqlarının müdafiəsinin müvafiq standartını təmin etməyə çağırır”, - deyə dərc olunan məlumatda qeyd olunur. 

 

Bizimlə əlaqə saxlayın