Tbilisidə kuryer silahlı hücuma məruz qalıb

Tbilisidə “Qlovo” kuryerini yaralayıblar.

InterPress.ge xəbər verir ki, sifarişin çatdırılmasından sonra şifahi mübahisə zəminində kuryerə əvvəlcə fiziki hücum edilib, daha sonra o, pnevmatik tapança ilə güllələnib.

Kuryer yaralı halda Simon Xeçinaşvili adına klinikaya yerləşdirilib.

Qohumunun sosial şəbəkədə yazdığına görə, gəncin ayaq barmaqları və topuq sümükləri sınıb və onu başqa klinikaya köçürmək lazım gəlib.

Daxili İşlər Nazirliyindən verilən məlumata görə, hadisə ilə bağlı Cinayət Məcəlləsinin qəsdən sağlamlığa yüngül xəsarət yetirmə (120-ci) maddəsi ilə araşdırma aparılır.